Ja barggo båhtusijt buktá.
- Mij lip tjoahkkim måttijt bájkkenamájt bihtámsáme guovlon, ja sulle 50 dajs bájkkenamájs e dálla udnásj kártajn des gávnnu, subtsas Árrana musearádevadde Line Merete Skarvik.
Muhtem dádjadahtes bájkkenamá
Ienemus bájkkenamájn la álkke sisanov dádjadit.
Árrana musearádevadde, Line Merete Skarvik barggá bihtámsáme bájkkenamáj.
Foto: Harrieth Aira / NRK- Dagu "Njummeltjåhkk" mij dádjadahtte lulu Njoammeltjåhkkå ja Tjiegŋalis, mij la tjiegŋalis jávrre Bájddárin, javllá Skarvik.
Valla gávnnuji bájkkenamá ma ælla rat dádjadahtte.
- Muhtem namá dagu Bebba ja Diellek la gássjelabbo dádjadit majt da merkahi. Bebba ep diede mij la. Ja Diellek la dal ájn várudis teoria mij ij la duodastuvvum. Diellek la várre Bájddárin, ja dan váren la dielle mij giesijt ij sutta. Ja ihkap dassta boahtá namma dán várráj, moanná Skarvik. Jus soajttá nágina diehti ienebuv dáj namáj birra de galggi dalága válldet aktisasjvuodav mijájn, dættot sån.
Árrana bihtámsáme bájkkenammaprosjækta la vihpam gitta 2011 rájes ja ålliduvvá boahtte jahkáj.
Ulmme l vuosádusáv, girjev ja bájkkenammakártav dahkat dát tjoahkkimis.
Gulldal ålles ássjev