– Det ser ut for at ho først har køyrt over ein midtrabatt, treft eit skilt som stod mitt på den, før ho har køyrt i rekkverket og vidare ned på marka, seier operasjonsleiar ved Sogn og Fjordane politidistrikt, Einar Vereide.
Han er klar på at dette kunne gått mykje, mykje verre.
– Ho har nok hatt flaks, midt oppe i alt, seier Vereide.
Kvinna var ute av bilen då politiet kom til staden. Ho klaga då over smerter, men var medviten.
Var åleine i bilen
Bilen skal ha vore på veg i retning Fjærland, frå Sogndal, då ulykka skjedde. Kvinna som køyrde bilen skal ha vore åleine i bilen. Ulykka skjedde i ei 80-sone.
Bilen har rive med seg ein heil del meter vegrekkverk på den ville ferda. Bilen har truleg gått rundt i lufta og har slege nedi fleire stader før ferda enda i ei bjørk.
Bilen har fått store materielle skadar.
VILL FERD: Bilen har hatt ei lang luftferd før han stoppa i ei bjørk.
Foto: Torbjørn Selseng / NRK